|
Naseeb aazmanay kay din aaa rahay hain
Kareeb un kay aaanay kay din aaa rahay hain
Jo dil say kaha hai, jo dil say suna hai
Sab un ko suna nay kay din aaa rahay hain
Abhi say dil o jaan sir e rahh rakh do
Kay lutnay lutanay kay din aaa rahay hain
Tapaknay lagi in nigahon say masti
Nigahen churanay kay din aaa rahay hain
Saba phir humain poochti phir rahi hai
Chaman ko sajanay kay din aaa rahay hain
Chalo Faiz phir say kahin dil lagain
Suna hai thikanay kay din aaa rahay hain
|