jashan aazadi ka kis tarah manayain ham

bain karain ya geet aazadi kay gayain ham

batao kis tarah jashan aazadi ka manayain ham

naaray lagayain ham lehra ker parchem pakistan ka

ya gali gali main parhi lashain uthhayain ham

chhin gya hai sir say sayaiban kitnay logoon ka

kitnain jalay huway makaan dunia ka dikhayain ham

luti hai ismat jin maasumoon ki saray bazar

kub tuk ashaq un kay liay bahayain ham

kaheen siasatdano nain kaheen din kay thhekedaroon nain

haal kia hai jo watan ka kis munhu say sunayain ham

din kay nam per jo tum nain bahaya hai

woh rung lahu ka parhanoon say kaisay mitayain ham

parhhi hain bairhhiyan aaj bhi hamaray paoon main

kadam manzil ki janib kis tarah barhhayain ham

pathar dil hain yahaan, dais hai behray logoon ka

geet muhabat kay manohar kis ko sunayain ham