Replied by(Fawad_-_Digital_Outreach_Team_US_State_Dept) Replied on (26/Dec/2007)

Fawad - Digital Outreach Team US State Dept


محترم،

آپ نے بينظیر بھٹو کے حوالے سے جو خط شائع کيا ہے وہ محض ايک پراپيگينڈہ ہے اور اس کا حقيقت سے کوئ تعلق نہيں ہے۔ آپ اور ميں اچھی طرح سے واقف ہيں کہ بدقسمتی سے ہمارے ملک ميں اليکشن کے دور ميں سياستدان ايک دوسرے کے خلاف اس طرح کا بےبنياد اور منفی پراپيگينڈا کرتے ہيں جس کا مقصد محض ووٹرز کو دھوکا دينا ہوتا ہے۔

جہاں تک مزکورہ خط کا تعلق ہے تو اس حوالے سے پيٹر گيلبريتھ خود اس خط کی ترديد کر چکے ہيں۔ يہ خط جب آج سے کئ برس قبل منظرعام پر آيا تھا تو اسی وقت اس کی ترديد کر دی گئی تھی۔

اگر آپ اس خط کو غور سے پڑھيں تو اس ميں ايسی بہت سی غلطياں نظر آئيں گی جس سے يہ ثابت ہوتا ہے کہ يہ خط محض ايک پراپيگينڈہ ہے۔

سب سے پہلی بات تو يہ ہے کہ جن صاحب کے نام يہ خط لکھا گيا ہے ان کے نام کے حروف تہجہی غلط ہيں۔ کيا ايک سابق وزير اعظم جو کے خط کے مۃن کے حساب سے پيٹر گيلبريتھ کو اچھی طرح سے جانتی ہيں ان کے نام کے غلط حروف تہجی استعمال کريں گی؟

اس کے علاوہ 1990 ميں پيٹر گيلبريتھ سينيٹ کی خارجہ پاليسی کميٹی کے رکن تھے نہ کے امريکی سينيٹر جيسا کے آپ نے لکھا ہے، اور نہ ہی اين – ڈی – آئ کے رکن تھے جيسا کے خط کے متن سے ظاہر ہے۔ اس کے علاوہ اس خط ميں اسٹيفن سولارز کے حروف تہجی بھی غلط ہيں۔ کيا آپ واقعی يہ سمجھتے ہين کہ اس خط ميں دو اشخاض کے حروف تہجی غلط ہونا محض اتفاق ہے؟ اس کے علاوہ يہ بات بھی غور طلب ہے کہ کيا سينيٹ کی خارجہ پاليسی کميٹی کے رکن کی حيثيت سے پيٹر گيلبريتھ اتنا اثر و رسوخ رکھتے تھے کہ بھارتی حکومت کو اپنی فوج سرحدوں پر بيجھنے کے ليے دباؤ ڈال سکيں۔

اس خط کی وضاحت کے ب‏عد يہ بات غور طلب ہے کہ وہ کون سے عناصر ہيں جو اس قسم کے منفی ہتھکنڈے استعمال کر رہے ہيں؟ کيا يہ عوام کے خير خواہ ہو سکتے ہيں؟

يہ بات واضع رہے کہ بہت سی ويب سائٹس، بلاگز اور فورمز پر يہ پراپيگينڈہ کيا جا رہا ہے کہ امريکی حکومت پاکستانی اليکشن پر اثرانداز ہو رہی ہے اور اسی حوالے سے يہ خط شاہع کر کے يہ ثابت کرنے کی کوشش کی جا رہی ہے کہ کچھ سياسی ليڈر پاکستان ميں "امريکی ايجنٹ" ہيں۔

جيسا کہ اس خط سے ثابت ہے کہ يہ محض ايک پراپيگينڈہ ہے اور اس کا حقيقت سے کوئ تعلق نہيں ہے۔ اس حوالے سے امريکی حکومت کی پاليسی بالکل واضح ہے کہ پاکستان کے سياسی مستقبل کا فيصلہ پاکستان کے عوام کے ہاتھ ميں ہے۔ اگر آپ پاکستان کی سیاسی تاريخ پر نظر ڈاليں تو يہ واضح ہے کہ امريکی حکومت کبھی بھی پاکستان کے انتخابآت پر اثر انداز نہيں ہوئ۔ پچھلے 20 سالوں ميں ہونے والے 5 اليکشنز ميں ہر جماعت اور ہر سوچ رکھنے والی قيادت حکومت ميں آئ ہے اس ليے يہ دعواع کرنا کہ پاکستان ميں اليکشن امريکی حکومت کے ذير اثر ہوتے ہيں سراسر غلط ہے۔ پاکستان کے عوام اپنی سياسی تقدير کے حوالے سے خودمختار ہيں اور اس طرح کے جعلی ھتکنڈوں سے انہيں بےوقوف نہيں بنايا جا سکتا۔


فواد - ڈيجيٹل آؤٹ ريچ ٹيم - يو ايس اسٹيٹ ڈيپارٹمينٹ
digitaloutreach@state.gov
http://usinfo.state.gov