Replied by(zulfikarDOT) Replied on (14/Feb/2011)

سب سے پہلے يہ بتانا ضروری ہے کہ آپ کے تمام سوالات کا جواب دينا ممکن نہیں ہے ۔ حقيقت يہ ہے کہ سوالات کی بوچھاڑ ميں مجھے يہ فيصلہ کرنا ہوتا ہے کہ کون سے موضوعات ايسے ہيں جن کا جواب کئ فورمز پر ايک ساتھ پوسٹ کيا جا سکے کيوں کہ اسی قسم کے بے شمار سوالات مجھ سے ديگر فورمز پر بھی کيے جا رہے ہيں۔ جہاں تک رہا تعلق امريکی سفارتکار کے نام کا، تو يہ کوئ چھپانے والی بات نہيں ہے جيسا کہ گزشتہ جمعہ کو امريکی کونسل جنرل نے واضع طور پر کہا کہ زير حراست امريکی سفارتکار کا نام ريمنڈ ڈيوس ہے۔ يہ بڑی بدقسمتی ہے کہ آپ اس کيس کو جارجيا کے سفارتکار کے ساتھ تشبيہ دے رہے ہیں۔ ميں آپ کو کچھ حقائق دینا چاہوں گا جارجيا کے سفارتکار کے پاس سفارتی استثنی تھی ليکن ان کی حکومت نے اپنی رضامندی سے ختم کيا۔ رہی بات امريکی سفارتکار کی، تو اس نے اپنی جان بچانے کے ليے يہ اقدام اٹھايا کيوں کہ دو مسلح ڈاکوؤں نے اسے گھيرنے کی کوشش کی تھی۔ حتی کہ عينی گواہوں نے بھی اس بات کی گواہی دی کہ ریمنڈ نے موٹر سايئکل پر سوار دو مسلح افراد سے اپنے آپ کو بچانے کے ليے يہ قدم اٹھايا۔ اس ميں کوئ شک نہيں کہ يہ ايک افسوس ناک واقعہ ہے جس کے نتيجے ميں زندگيوں کا ضياع ہوا۔ ليکن حقيقت يہ ہے کہ ابتدائ ‎ پوليس رپورٹ کے مطابق ان دونوں آدميوں سے گولیوں سے بھرا ہوا پستول اور لوٹی ہوئ چيزیں برآمد ہوئيں ہیں۔ مجھے يقين ہے کہ آپ میرے ساتھ اتفاق کريں گے کہ ہر شخص کو يہ حق حاصل ہے کہ اپنی زندگی کی حفاظت کے ليے کوشش کرے۔ امريکی سفارت کار اس اصول سے مبرا نہيں ہے۔ میں آپ کو ياد دلانا چاہوں گا کہ جارجيا کا سفارتکار نشے سے دھت تيز وفتار گاڑی چلا رہا تھا جس کے نتيجے میں ايک لڑکی اور جاں بحق اور کئ لوگ زخمی ہوۓ تھے۔ لہذا ان دونوں مقدمات کی نوعیت بلکل مختلف ہے۔ امريک حکومت پاکستان کے قوانین اور عدالتی نظام کی قدر کرتی ہے اور ہم اس بات پر زور ديتے ہیں کہ ہمارے تمام سفارتکار ان کا احترام کريں۔ يہ بتانا ضروری سمجھوں گا کہ امريکی سفير نے يقين دہانی کرائ ہے کہ امريکی سفارت کار اور ان کا عملہ حکومت پاکستان کے ضوابط کی پاسداری کريں گے، ليکن وزارت خارجہ امور اور حکومت پاکستان نے ابھی تک طے شدہ عالمی سفارتی طريقہ کار پر عمل نہيں کيا ہے۔ امريکی سفارت کار، ريمنڈ ڈيوس، امريکی سفارت خانہ کے تکنيکی اور انتظامی عملہ سے تعلق رکھتا ہے۔ اور اس وجہ سے جرم ميں ملوث ہونے کی صورت ميں مکمل سفارتی استثنی کا حقدار ہے اور اسے ویانا کنوينشن 1961ہ کی رو سے قانونی طور پر گرفتار يا زير حراست نہيں رکھا جا سکتا۔ يہ قانون امريکہ سمیت تمام ممالک پر لاگو ہوتا ہے۔ اور اس قانون کے مطابق اس فوری طور پر رہا کيا جاۓ۔ آپ کے آخری سوال کے جواب ميں بتانا ضروری سمجھوں گا یہ امريکہ پاکستان کی سالميت کی عزت کرتاہے اور سب سے اہم بات يہ ہے کہ اس علاقے ميں دہشت گردوں کو شکست دينے اور ان کو تباہ کرنے کے ليے امریکہ اور پاکستان کے درمیان قریبی رابطے اور افہام و تفہیم ہے۔ ہم سب جانتے ہيں پاکستان کو دہشت گردی کا سامنا ہے اور اس وقت پاکستانی شہريوں کو سب سے بڑا خطرہ دہشت گردی کی لعنت سے ہے۔ دہشت گرد امريکہ اور پاکستان کے مشترکہ دشمن ہيں اور ہم پاکستان کی سیکیورٹی فورسز کی صلاحیتوں کو بہتر بنانے ميں ان کی باقاعدگی سے مدد کر رہے ہيں۔ ذوالفقار – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ digitaloutreach@state.gov www.state.gov http://www.facebook.com/pages/USUrduDigitalOutreach/122365134490320?v=wall