Search
 
Write
 
Forums
 
Login
"Let there arise out of you a band of people inviting to all that is good enjoining what is right and forbidding what is wrong; they are the ones to attain felicity".
(surah Al-Imran,ayat-104)
Image Not found for user
User Name: Noman
Full Name: Noman Zafar
User since: 1/Jan/2007
No Of voices: 2193
 
 Views: 1286   
 Replies: 2   
 Share with Friend  
 Post Comment  
Aankhon ka rang, baat ka lehja badal gaya
woh shakhs aik shaam main kitna badal gaya
Kuch din to mera aks raha aaine pe naqsh
phir youn huwa ke khud mera chehra badal gaya

jab apnay apnay haal pay hum tum na reh sakay
to kiya huwa jo hum say zamana badal gaya
qadmon talay jo rait bichhi thi woh chal pari
us nay chhuraya haath to sehra badal gaya

koi bhi cheez apni jageh par nahin rahi
jaatay hi aik shakhs kay, kiya kiya badal gaya
ik sarkhushi ki moj nay kaisa kiya kamal
wo bay-niaaz saara ka saara badal gaya

uth kar chala gaya koi waqfay kay darmiaan
parda utha to saara tamasha badal gaya
hairat say saaray lafz usay dekhtay rahay
baaton main apni baat ko kaisay badal gaya

kehne ko ik sehan main deewar hi bani
ghar ki fiza makaan ka naqsha badal gaya 
shayad wafa kay khel se uktaa gaya tha woh
manzil kay paas aake jo rusta badal gaya

qayem kisi bhi haal pay dunya nahin rahi
taabeer kho gayee kabhi sapna badal gaya
manzar ka rang asal main saaya tha rang ka
jis nay usay jidhar say bhi dekha badal gaya

andar kay mosamon ki khabar us ko ho gayee
us no-bahaar-e- naaz ka chehra badal gaya
aankhon mein jitna ashk thay jugnoo say ban gaye
woh muskuraya or meri dunya badal gaya 
 Reply:   But Its not mine
Replied by(Noman) Replied on (19/May/2009)

Although i used to do some poetry myself as well, but this above poem is not mine.

 
 Reply:   very nice
Replied by(saadat) Replied on (19/May/2009)

kehne ko ik sehan main deewar hi bani
ghar ki fiza makaan ka naqsha badal gaya
shayad wafa kay khel se uktaa gaya tha woh
manzil kay paas aake jo rusta badal gaya

beautiful imagery
fantastic lines
cheers
 
Please send your suggestion/submission to webmaster@makePakistanBetter.com
Long Live Islam and Pakistan
Site is best viewed at 1280*800 resolution